𝐏𝐚𝐭𝐮𝐥𝐨𝐲 𝐩𝐚 𝐫𝐢𝐧 𝐚𝐧𝐠 𝐦𝐚𝐭𝐢𝐧𝐝𝐢𝐧𝐠 𝐢𝐧𝐢𝐭 𝐧𝐚 𝐧𝐚𝐫𝐚𝐫𝐚𝐧𝐚𝐧𝐚𝐬𝐚𝐧 𝐬𝐚 𝐦𝐠𝐚 𝐥𝐚𝐥𝐚𝐰𝐢𝐠𝐚𝐧 𝐧𝐠 𝐎𝐜𝐜𝐢𝐝𝐞𝐧𝐭𝐚𝐥 𝐌𝐢𝐧𝐝𝐨𝐫𝐨, 𝐎𝐫𝐢𝐞𝐧𝐭𝐚𝐥 𝐌𝐢𝐧𝐝𝐨𝐫𝐨, 𝐑𝐨𝐦𝐛𝐥𝐨𝐧, 𝐚𝐭 𝐏𝐚𝐥𝐚𝐰𝐚𝐧, 𝐧𝐚 𝐝𝐚𝐥𝐚 𝐧𝐠 𝐄𝐥 𝐍𝐢ñ𝐨.Umabot na sa ₱24,370,200.00 ang alokasyon ng Department of Social Welfare and Development (DSWD) bilang bahagi ng hakbang ng ahensya para matugunan ang pangunahing pangangailangan ng libu-libong apektado ng El Niño sa iba’t-ibang bahagi ng MIMAROPA.
Batay sa pinakabagong assessment na isinagawa ng DSWD, tinatayang umabot na sa 219 barangay ang naitalang apektado ng krisis sa klima. Ito ay binubuo ng nasa 39,933 pamilya o 197,776 na indibidwal.
Ang DSWD, sa kabila ng patuloy na pagtaas ng bilang ng mga apektado ay nananatili ang inisyatibo gaya ng pamimigay ng Food Packs at Non-food items upang tumugon sa pangangailangan ng mga apektadong komunidad.
Binibigyang-diin din ng ahensya at mga lokal na awtoridad ang kahalagahan ng patuloy na pagsuporta at kooperasyon upang maibsan ang nararanasang krisis at gampanan ang pangangalaga sa kapakanan ng mga apektado ng El Niño.